أنا تعبانة جدا بسبب عدم الثقة في حبيبي باحس إنه بيخوني مش بيخوني يعني بيكلم غيري وأتأكد بنفسي ولو واجهته قعد يوعدني ألف وعد إنه هيبقى كويس بس هو عشان شغله صعب وكده هو ظابط يعني بيبقى وقته قليل وساعات بيحسسني إني ملكه وساعات يقول لي عيوبي وساعات أحس بحبه وساعات لأ..
كلامه ليّ مش زي كلام الحبّيبة وكمان باحسه كداب وباتكسف أفتح معاه موضوع الجواز أو الخطوبة يعني عشان حاسة إني أقل منه في التعليم، بس أنا 3 خدمة اجتماعية بس في قنا أنا أساسا من المنصورة بس التنسيق بقى وهو كمان من المنصورة وشغال ظابط في قنا، بس أنا في الحالة المادية أعلى شوية وهو عارف كده ساعات أحس إنه مغرور بس أنا بحبه أوي وباغير وباتضايق لما يبقى موبايله مشغول نفسي في خطة أو حاجة أعملها عشان أبطّل تفكير فيه، أنا طول وقتي فاضية عشان إجازة على طول بافكر فيه، وبجد مش لاقية حاجة تلهيني عشان أبطل تفكير فيه، نفسي بجد في حل أنا مش بانام من كتر التفكير وهو بارد بيبقى مش همّه وساعات بيبقى حاسس يعني معلقني ومحيرني.
